De Venta Les Ranes a Villaviciosa

Ayer xueves,aprovechando que'l día amaneció soleyeru,metimos na mochila un poco d'agua,un plátanu ,unes barrites enerxetiques y salimos de casa pa dar un paseu pel monte.Xuntámonos los monteses nel Alsa y colamos pa La Villa.La caminata empicipiaba na Venta Les Ranes y l'obxetivu yera llegar a Villaviciosa recorriendo'l Monte Illan y el monte La Cobertoria,pasando per les cumes.Entre'l sube y baxa,ficimos 19km y 500m de desnivel.Dia perguapu.Cielu despexau pa la mar y un poco emborrinau cuando acolumbramos Picos d'Europa.Topámonos con zones del monte fáciles de caminar y otres llenes d'escayos.Dalgunes caleyes taben llenes de barro,llenámonos del,hasta los güeyos.En Bedriñana un montés(je,je,je,) tuvo que despelotase pa lavar la ropa,porque con les pintes que llevaba nun lu dexaben subir l'Alsa.Pero bueno,pasamos un día prestosu.Val mas tar pol monte llenu barru que no metíu en casa viendo la tele.

                              Colando de La Venta Les Ranes

                               Argüeru

                                De momentu'l bosque ta limpiu

                                Agora ya empicipia la maleza

                                 Picu Illan y Picu Pelapotros

                               Peña Crespa

                                Los praos verdes y con florines

                               Un xatin

                              La vaca tien gana mexar

                              Dos perrinos salen a saludanos

                                 Un horru abandonau

                              Xeodésicu nel Picu Pelapotros

                               Villaviciosa

                                La ría Villaviciosa

                               Carteles nel Altu La Cruz

                                Villaviciosa

                                El perrin salió a lladranos

                                  Ilesia Bedriñana

Esti reló de paré marca la hora que llegamos a La Villa