Güei,colamos de Xixón tempranín,pa facer l'Espigüete.Paramos en Riaño pa desayunar.Entramos nel chigre y los güeyos fueron pa estes picatostes,que teníen nel mostrador.La boca fízosenos agua,asina que.....
......pidimos un cafetón y unes d'estes picatostes.Taben perbones.
Llegamos a Valverde de la Sierra,onde entama la ruta.Queremos xubir al Espigüete,pel canalón Sur.Llonxe,per enriba les cases del pueblu,.......
.....asoma'l cumal del picu.
Colamos del pueblu per una cai,que nun podía ser d'otra manera,llámase Cai Espigüete.
Na salida'l pueblu,coyemos una caleya,que va'l llau del Ríu Mercero
Atrás dexamos Valverde de la Sierra.
Dexamos la caleya y......
....coyemos un xenda,yerbosa y.....
.....pindia,que llévanos al.....
....Colláu Cruz Armada,a 1596m.Una semeya,col Espigüete al fondo.
Nel Colláu Cruz Armada,coyemos el Camín de la Binesa,que lleva a Cardaño d'Abaxu.
Nel momentu apropiau,dexamos el camín y......
.....entamamos la xubida.
Unos 800m de desnivel,sepárennos de la cume.(Semeya d'Ana)
La xenda ye pindia,pindia y pedregosa.
El calor ye abondu.Facemos paradines cortes,p'alendar y......
.....esfrutar de les vistes.Abaxu,l'embalse......
....de Camporredondu,anda escasu d'agua.
Miramos p'arriba.La vista......
.....de la cume principal......
....danos fuercies pa.....
......seguir xubiendo.
Llegamos al colláu y entamamos la corta xubida'l cumal principal.
Una panorámica,al Norte.
Llegamos al cumal Oeste o principal (2451m).Un vértice xeodésicu,......
.....una cruz de cume y banderes d'oración,atópense nel.
Allegría na montaña. (Semeya d'Ana)
Dalgun@s fueron a la parte mas Oeste de la cume,pa......
...facer.....
....un ritual.
Dempués de fechu,tornaron y.....
......facemos una semeya de cume,n'alcordanza.
Una semeya'l Norte.Llonxe,colúmbrense los tres macizos de los Picos d'Europa.
Buscamos un sitiu afayadizu,pa facer la xinta.
Si dempués d'una dura xubida y de reponer fuercies,.....
.......sientes un xubidón y pienses que la cume sábete a poco,.........
¡¡¡Saltaaaaa!!!
Antes de colar,facemos otra semeya al llau la cruz de cume.
Dempués del saltu que dieron les moces,siguen pensando que la cume principal del Espigüete,"sabe" a poco,asina que,......
....colamos pa facer tamién el cumal Este.
Dempués d'unes perguapes trepadines......
.....llegamos a la.....
....arista cimera y......
.....al cumal Este del Espigüete (2444m).Al fondo,el Curavacas.
Otra semeya,col cumal.......
...principal,al fondo.
Colamos del cumal.Vamos tornar......
pel mismu sitiu que xubimos y agora toca destrepar.
Los h,itos,señalen el camín.
Una paradina,pa nun apurar a los que van delantre.
Los agarres son bonos,pero....
...hai que dir con munchu cuidao.
Vamos sele,sin prisa.Aseguarando los pasos.Un mal apoyu,un resbalón,una piedra suelta,puede facer que caigas y te manques,asina que......
....seliquín,seliquín y esfrutando del momentu.
Estamos en zona segura y facemos unes semeyes,col cumal Este al fondo.
Cumal Este del Espigüete o Espigüeste.
Llegamos al colláu y entamamos la baxada pel canalón Sur.
Nel entame de la baxada,buscamos el paredón Este.La xenda ye mas firme y hai menos piedres sueltes.
Si la xubida pel canalón ye dura,baxar,nun lo ye menos.
Son les cinco de la tarde.El sol péganos nel focicu.El canalón ye un fornu.Una paradina,ye obligao facela.
Llegamos a zona mas tranquila.El pedreru mécese con zones de vexetación.
Llonxe,l'embalse de Campurredondu,......
.....está mostiu per falta d'agua.
Llegamos abaxu.l'Oxetivu ta casi cumpl'iu.Quédanos......
......coyer la xenda que nos torne a Valverde de la Sierra,onde tenemos el coche.
Nel camín topamos una sombra y aprovechamos pa descansar y beber les últimes gotes d'agua que nos queden.La hidratación,ye perimportante nes actividaes de montaña.
Los güeyos van pal cumal del Espigüete,que asoma llonxe.
Ya tamos cerca'l pueblu.Son mas de les siete de la tarde y el sol sigue "pegando " fuerte.
Valverde de la Sierra.
Ilesia'l pueblu.
La última semeya ye pal cumal envueltu en flores,del picu que posiblemete seya'l mas emblemáticu,de la montaña palentina,l'Espigüete.
No hay comentarios:
Publicar un comentario