La ruta de güei entama aquí,en Pie de Potru,al llau Casa Julia
Coyemos la caleya que nos lleva a la Biescona,un perguapu fayeu,que ye el de menor altitú de toa la península.
El cutu a estes hores de la mañana ye abondu.El cielu azul,el sol que ya quier riscar,y la nieve del Sueve,que espéranos pa esfrutar d'ella.
La xiénda está llimpia.Enllena de fueyes de la seronda.
Dalgún de los árboles mas vieyos,va cayendo.
Pasamos al llau de cabañes en ruines.
Llegamos al Mayáu del Bustacu y....
...ya columbramos el Piezu cubiertu de nieve.
Caballos y potrinos pacen tranquilos.
El montañeru camina hacia'l sur,pa esfrutar d'unes vistes perguapes.....
......de la Cordillera y del mar de nubes que tolda'l valle.
Llegamos a les cabañes del Bustacu y.....
....facemos una paradina,pa comer dalguna cosa.
El semeyeru esfruta con la cámara.
El Macizu Occidental,tamién asoma a los nuesos güeyos.
Seguimos la marcha.El cumal del Pienzu espéranos.
Llegamos a la fonte de les Mergullines.Otra parada y.....
.....darreu,entamamos la xubida.
Una enorme cruz metálica,preside el cumal del Pienzu.
Nel cumal,un vértice xeodésicu y al sur ,la Cordillera Cantábrica.
Al Norte,el mar Cantábricu
Al Oeste,el restu de la Xerra'l Sueve.
Facemos una semeya de cume y.....
......colamos.....
....pa la crestería Este de la xerra.Queremos tornar a Pié de Potru,pasando per los cumales de Duernes,Sellón y Babú.
Baxamos del Pienzu,buscando un sitiu afayadizu pa facer la xinta.Nesta zona.....
....hai bastante nieve,pero en bones condiciones pa caminar.
Atrás queda'l Pienzu.
Abeyugaos del viento,nuna zona soleyera,facemos la xinta.
Dempués del bocadillo,colamos.
Llegamos al Picu Duernes.Atrás dexamos el Pienzu.
El sol ta llegando a l'ocasu y los tres macizos de Picos d'Europa,llucen perguapos.
Nuna zona mas baxa,los gamos busquen zones sin nieve.
Cumal del Picu Sellón.
Semeyes de cume,nel Picu Sellón.
Llegando al Picu Babú
Semeyes desde'l Babú.
Baxando del Babú,topámonos con estos caballos asturcones.
La baxada a Pié de Potru,ye per una xiénda bien marcada,con algo de barro per la época que tamos.
La última semeya,ye pal Macizu Central o Urrieles,que salía llonxe,penriba d'un falsu collau.
No hay comentarios:
Publicar un comentario