G.A. MONTEASTVRES

G.A. MONTEASTVRES

domingo, 9 de diciembre de 2018

COLLADA LLOMENA - PICU PIERZU - COLLADA LLOMENA







Gráfica de la ruta
 La ruta de güei,entamámosla na Collada Llomena,onde dexamos los coches.El día preséntase perguapu.Cielu azul y llimpiu de nubes.Perfeutu pa esfrutar per la montaña.
Al Oeste,tenemos el Tiatordos y la Llambria.Llonxe,colúmbrase'l Campigüeños.
 Colamos per una caleya,camín del Pierzu,el picu que queremos facer.

 Los carrascos,tan cargaos de frutos.

 Cruzámonos con unes vaques,Esta zona,ye ganadera.
Al final de la caleya,un cartel,enséñanos el camin a seguir.
 Llegamos al Colláu Llagos.El Macizu Occidental de los Picos d'Europa,ábrese a los nuesos güeyos.
 Llegamos a les cabañes de Cerboes,a los pies del Cantu les Fuentes

 Los caballos pacen tranquilamente.

 Una semeya col Occidental al fondo.
 Facemos otra toos xuntos, n'alcordanza.

 Tamos content@s.El día ye perguapu y la vista del Occidental,siempre emociona.
 Seguimos xubiendo.Agora per la zona mas pindia
 Pel Oeste,entamen a metese dalgunes nubes.


Pal Este,el Macizu Occidental de los Picos d'Europa y el sector de La Bermeja,despexaos.
Al Norte,ya se columbra el cumal del Picu Pierzu
 Seguimos xubiendo.
 Llegamos a la crestería.Una semeya col Occidental.






Llegamos al cumal.Güei,ye un día pa esfrutar de la montaña.
 Facemos les semeyes de cume.

 Mirando al infinitu,escuchando los soníos del silencio.Agora mesmo,el mundu nun esiste,solo tu y la Montaña.El pelleyu respígase y una llagrimuca,quier salir de los güeyos.Nestos momentos,somos FELICES.
Macizu Occidental de los Picos d'Europa o Cornión.

 Dempués de les semeyes ,colamos.
 Pel Oeste,la borrina ta metiéndose.
 Pal Este,sigue despexao y podemos seguir esfrutando'l día.
 Baxamos per la crestería,que ya ta medio emborrinada.

Un descansu.....
 ....antes que.....

....la borrina nos "trague"
Monumentu al montañeru.

 Abaxo,tenemos a Cerboes,con la llaguna brillando
 Paez un neveru,en vez d'agua.
 Un ratonín de cria,.....
 ...corre asustau a metese na cueva.
 La borrina,ya ta llegando.Una última mirada pal occidental y.....
 .....baxamos pa la llaguna.
 Una semeya y....
 ...seguimos.

 Tornamos pal Colláu Llagos y la caleya que nos lleva la Collada Llomena.

 Na fonte llavábonos un poco.
 Llonxe,los rayos de sol,atraviesen la borrina.

1 comentario:

  1. Precioso reportaje!! y muchas gracias por llevarnos a uno de los miradores mas espectaculares de los Picos.

    ResponderEliminar