HORCADAS-PICU GILBO

Güei,los monteses ficimos una ruta perguapa por los montes de León.Horcadas-Picu Gilbo.La ruta ye corta.En dos hores escases,tábamos na cume (Picu Gilbo 1677m).Salimos de Horcadas a las 11,20h y a las 13,10,ya tábamos nel cumal.La crestería ye aérea,pero  prestosa de facer.Tenemos que ayudanos con les manes en dellos sitios.La xente con vértigo ó con problemas en pasos expuestos,meyor que no lo faigan.Les vistes desde'l picu,son espectaculares.Montaña Palentina,Macizos Central y Occidental y sobre todo los ¨FIORDOS" DE RIAÑO.Les agües del embalse sérpien entre les montañes y dibuxen un paisaxe perguapu.La baxada,ficimosla por la parte opuesta.Por esti llau non hay problemas.Les canaletes de baxada,son pindies pero con buenos agarres y sin sensación de patio.Depues de xintar y como yera temprano,ficimos un circuito por el PR-52 (con algunes variantes).Llegamos a Horcadas a las 18,30h.

                  Desnivel de subida-baxada(acumulau).......900m
                  Distancia........................................................15km
                  Hores................................................................7h.

                           Embalse de Riaño y Picu Gibo

                                    Picu Gilbo

                                    Ilesia de Riaño

                                    Cartel informativu en Horcadas

                                    El empicipiu la ruta,ye por una caleya

                                    Unos perros pastores,salen a saludanos.Seguro que hai un rebañu d'oveyes cerca.

                                    Aquí ta'l rebañu

                                    Una paradina

                          Empicipiamos la subida.

                           Nesta zona,la senda ta jitada.

                           La senda non tien nenguna complicación,hasta el collau que hai entre la Peña los Serrones y el Gilbo

                            Según xubimos,les vistes son mas guapes

                            Collau.La cresta,vese aérea y con sensación de patio

                           Reculemos un pocu,pa evitar los primeros metros de crestería.Topamos especie de grieta trepamos por ella.

                           Ya tamos na cresta

    Los "fiordos" de Riaño y el valle de Anciles vense perguapos

     Sentámonos pa esfrutar del sitiu.Guapo,guapo.

    Seguimos caminando.La cresta va poniéndose mas aérea y afilá.Hai que tener munchu cuidao,cualquier tropezón,pué danos un disgustu.

    Esfrutamos como guajes.Los güeyos,arremellen d'un llau a otru.Les vistes son perguapes.

 Dalguna parte de la cresta,pué bordease.

    Cume del Picu Gilbo (1674m)

    Los "fiordos" de Riaño y Valle d'Anciles.Les agües del embalse,serpien entre les montañes.

    El embalse.Al fondo Picos Europa.Riaño y el puente a la dcha

    Macizu Occidental ó Cornión

    Macizu Central ó Urrieles

    Espigüete

     Riaño

    Semeya,n'alcordanza del momentu

    Crestería del Gilbo y Peñes Pintes

    La baxá,facemosla por una canaleta pindia,pero sin problemas

    La baxada,dexa tamién perguapes vistes a los "fiordos",Valle d'Anciles .......

    ...............y Riaño

    El Cuetu Cabrón

    l'Espigüete

    Mas cerca

    Al fondo vemos,parte de la montaña Palentina

    Riaño y el puente sobre l'embalse

    Llegó la hora de xintar.Tenemos que reponer fuerces.Falta munchu camín por facer

    Güei,tenemos postre especial (gracies Magín)

    Bizcochu de manzana, bañau con mermelá de fresa.

    Un traguín de vino.Tién antioxidantes y ye bueno pa caminar (eso diz dalgún)

    Agora toca'l bizcochu.

    Otru traguín de vino (debe ser verdá eso que dicen que ye bueno)

    Tamos contentos.Cuerpu y alma tan esfrutando.

    Pasamos por viesques de falles y carbayos

    Tamien vimos un gochu.................

   ..................y una flor

    El Gilbo

    Un cartel del PR-52

Depues de la caminata,un descansu nel chigre de Horcadas.