l'ESPIGÜETE,DESDE VALVERDE DE LA SIERRA

Güei los monteses,entamamos una ruta por los montes de Palencia.El picu elexíu,ye'l Espigüete(2451m).Queremos facer la ruta sur,desde Valverde de la Sierra.Colamos de Xixón a les 7 la mañana.Depues de parar en Riaño a tomar un cafetín,llegamos a Valverde,sobre las 9,30h.Preparamos los aperos y darreu colamos pal picu.

                Desnivel de subida.....................1100m
                Desnivel de baxada.....................1100m
                Distancia horizontal......................15km

 

l'Espigüete,desde Valverde de la Sierra

 El cielo ta empedrau.Diz el refraneru :"Cielo empedrau,suelu moyau....mañana".Tamos tranquilos,güei nonos moyamos

 l'Empicipiu la ruta,ye por pista y caleya.

 Llegamos al collau.Ya falta menos.

Una paradina,pa ver el camín a seguir.

 

Ya lu tenemos mas cerca.La subida vese pindia,pindia.Si "pega" muncho'l sol,morremos.

Nesti puntu,dexamos la pista y empicipiamos a subir pol meyor sitiu posible,fixándonos siempre na entrá la canal.

Topamos restos de senda.

Vamos subiendo pocu a pocu,delles veces por trepadines,fáciles y prestoses.

    Ya vemos l'embalse de Camporredondo

    La subida ye facil,pero malona de caminar

    Unos cuantos rebecos,asomen el focicu.

Esti rebecu quier ser modelo.Púsose gayoleru pa face-y la semeya

    Los buitres,tamien apaecieron.

    Tenemos que pasar dalguna llambria.Tando seco non hai problema.La suela vibram de les botes,"agárrase" a la caliza y non resbales.Si tuviera moyao,sería otra cosa.

    El día ta perguapu.El sol non calienta muncho.La subida ye mas llevadera.

    Que sea llevadera,nun quier decir que non temos sufriendo,pero..............sarna con gusto non pica.

   Aprovechando esti "sillón" natural,facemos una paradina pa descansar y facer una semaya.

    Paez imposible que n'esti pedregal,crezcan flores.Da gustu veles.

   La subida ye pindia,pindia.Non tenemos prisa.Non queremos batir ningún record de ascensión al Espigüete.Asina que subimos tranquilinos y rexuntaos,hai muncha piedra,soltar una y mancar al compañeru,ye facil.Si vamos xuntos,el mal ye menor.

    Dalguna vez,metémonos por llambries,pa salir del pedreru.

    Les manes,facen falta tamien pa subir.

    Unos subimos y otros baxen.Esti ye un de los peligros,d'estos corredores tan pindios y pedregosos.La xente que baxa,pué tirar dalguna piedra,coyer velocidá y mancar a los que suben.

    Llegamos al forcau(2400m),que xunta los dos cumales del Espigüete.

    Desde'l forcau,vemos la Cascá de Mazobres.Gracies al zoom de la máquina,paez que la tenemos la llau.

    Llegamos al cume.

    Cume del Espigüete (2451m).Una cruz y un xeodésicu.

    Les vistes desde'l picu,son perguapes.l'Esfuerzu mereció la pena.El día despexáu,déxanos ver la perguapura l'entornu.

    Desti llau,el Curavacas.

    Desti otru,l'embalse de Camporredondo

    Valverde de la Sierra

    Al Este,l'embalse de Riaño,el Gilbo y les Peñes Pintes

    Gracies a esta semeya de Magín,paez que tenemos al llau l'embalse de Riaño.

   Al Norte,Los Picos d'Europa.Esta semeya ye del Macizu Central ó de los Urrieles

    Macizu Occidental ó Cornión

    Macizu Oriental ó Andara

    Los tres Macizos,Picu Murcia y Peñes Males.

    Una panorámica,desde'l Macizu Occidental al Curavacas.

    l'Espíritu ya lu alimentámos.Agora tenemos que alimentar el cuerpu.Facemos la xinta mirando pal embalse de Camporredondo,que ye la parte mas soleyera.

    Depues de comer,les semeyes de grupo n'alcordanza del momentu.

    Tenemos que colar.Podíamos tar na cume hores y hores, pero.........

   

    La baxada,ye peor que la subida.Pegar un culazu ye facil.

    Vamos arrimándonos a la izqda de la canal.Ye la zona mas segura.

    El senderu ta bien h,itau y vese bien,pero hai que tener cuidao,los xigos tan sueltos y resbalar ye facil.

    Al atapecer,l'embalse ponse mas guapu.

    Los h,itos ayuden al montañeru.

    Al final,baxamos sin problemas.

    El sol "pega" na caliza y l'Espigüete paez que tien lluz propia.

    Tornamos pol mismu camín.

     Llegamos a Valverde sin problemas.Nes salides de montaña,facer cume ye prestoso.Pero lo mas importante ye llegar toos bien al puntu de partía.Munches gracies por ello.