La ruta de güei,entamámosla desde Ruayer.Los coches,dexámolos aparcaos a.....
.....la entrada'l pueblu.
Tamos en Navidá.Gatos y perros tienen una "tregua" navideña.
Esti perguapu gatín,míranos fixamente.
Navidá,dulce Navidá,menos.....
....pa esti probe,que ta moyau y xelau.La "gabardina" que lleva,queda-y un poco pequeña.
Cruzamos el pueblu y....
.....coyemos la pista que lleva'l Puertu de Vegarada.
Al Norte,vemos la Peña Redonda,l'oxetivu de güei.
Al Oeste,acolúmbrase'l Cordal de Cuaña,onde tuvimos la semana pasada.
Pasamos por les cabañes de la Casa'l Monte
Una fonte,con bebederu pal ganao
Pasamos tamién per Talabarda y.....
.....llegamos al......
.....Mayáu Carbayalín
Un cartel bién grande,diznos onde nos atopamos.
A nosotros,gústanos Carbayalín,asina, que nun cambiamos de camín
Gústanos tanto el Mayáu de Carbayalín,que facemos dos semeyes n'alcordanza.
En Carbayalín,dexamos la pista que lleva a Vegarada y coyemos otra que llévanos al Colláu Caniecha,pasando pel Acebal.
Los charcos tan conxelaos y....
.....les fueyes,tienen una capa de xelu.El cutu ye abondu.
Cruzamos el Río Aller,vamos....
.....ganando altura y dexando la zona sombriega.
El sol entama a calentar y tenemos que quitar una capa de ropa.
LLonxe,acolúmbrase'l cumal de la Peña Redonda.
Pasamos pel "tunel del tiempu" y.....
.....llegamos a zona soleyera y perguapa,adorná con carrascos enllenos de frutos colloraos.La guapura l'entornu,allegra la cara de les montañeres.
Ye perguapo per nel inviernu,ver a los carrascos con les fueyes verdes y los frutos colloraos.
Facemos una paradina,pa rexuntanos y comer dalguna cosuca.Al fondo,l'Esturbin y el Cordal de Cuaña.
Seguimos camín per pista de tierra,.....
...buscando'l Collau Caniecha.
La xubida nun ye mui pindia,pero desde que salimos de Ruayer,nun dexamos de facelo.
Azul,blanco,verde,collorao,.....Les vistes son perguapes.Tamos n'avientu y paez que ye agostu.
La nieve,nes zones sombriegues de la xiénda,confírmanos que ye'l mes d'Avietu y.......
.....que'l tiémpu ta llocu.
Facemos otra paradina pa rexuntanos y.....
....darréu colamos.
La Peña Caniecha y la Redonda,ya la tenemos mas cerca.
Ya tamos llegando al...
.... Colláu Caniecha.
Vemos Peña la Cabritera y abaxu,el Mayáu Caniecha.
Facemos unes semeyes de grupo
Unes con nieve,pa que se vea que nun tamos del mes de xunetu.
Seguimos xubiéndo.Si miramos pal.....
....Norte,acolumbramos desde Peña Mea,hasta'l Picu Retrñón.
Detrás,la Peña Redonda espéranos.
Restos de nieve dura y resbaiza,tapen la xiénda.
Un caballu,ta paciéndo guapamente,al llau....
.....d'una llaguna conxelá.Si tién sede,va tener que llamber la placa de xelu.
Parar,columbrar y esfrutar.El tiempu nun cuenta.
Volvemos a entamar la marcha.
La Peña Redonda,lluz perguapa.
Bordiamos la Peña Caniecha,per una.....
.....canaleta,que nos dexa otra vez en......
....campu abiertu.
Una xiendina,llévanos......
....a una colladina.
Una paradina y darréu....
....baxamos a buscar la canal,que nos lleve al cumal de Peña Redonda.El perrucu nun lo ve claro y da la vuelta.
La canal ye pindia, yerbosa y pedregosa.Unos 200m de desnivel sepárennos del cumal.Con nieve o moyada,ye una canal peligrosa,si nun se lleva el material apropiau.Nosotros xubímosla en Aviéntu (Diciembre),pero les condiciones son casi de verano.
El perrín pensolo meyor y dió la vuelta.
Una paradina pa alendar y.....
.....ver el camín recorríu.
Los cabezaleros,busquen el meyor pasu.....
...pa llegar a la cume.
Xubimos seliquín,l'esfuerzu va notándose.
Llegamos a la crestería.
La última parte,ye bastante aérea.
Llonxe,la Sierra l'Aramu,sale entre'l mar de nubes.
d'Unu,nunu.....
......vamos llegando al cumal.La crestería.....
.....ye aérea y tenemos que dir con cuidao.
Antes de la xinta,facemos unes semeyes de cume.
El perrín,asómase pa ver el valle.
Contempla fixamente,valles,cordales y cumes.Depués d'unos momentos,da la vuelta y....
...échanos una sonrisa.Ye un perru feliz.Ye un perru montañeru.
Depués de les semeyes,toca la xinta,pa reponer fuerces.
Antes de colar,facemos ....
.....unes semeyes n'alcordanza.
Abaxu,a 1200m de desnivel,tenemos Ruayer.
Al Este,la Xerra l'Ayu y llonxe los Picos d'Europa.
Picos d'Europa
Col zoom de la máquina,acercamos el Macizu Central,pa ver los cumales mas importantes.
Al Sur,la Xerra'l Cuadru y el Cordal de Cuaña
Al Norte,vemos desde Peña Mea al Retriñón.
Al Oeste,la Xerra l'Aramu,mecía entre nubes.
Facemos les últimes......
......semeyes nel cumal y.....
......coyemos les mochiles,pa entamar la marcha.
La arista ye aérea per la zona norte,asina que tenemos que dir con cuidao.
Baxamos xuntos,seliquín y con cuidao de nun tirar piedres.
La canal ye pindia y yerbosa.Si tuviera moyada,sería peligrosa.Con nieve,tendríamos que traer material apropiau pa esos casos.
Llegamos a zona "segura".La vuelta queremos facela,por el Mayáu Fuentes y llegar Casomera.
Cambiamos yerba y piedres,por piornos y escoba.
Atrás vamos dexando la Peña Panda y la Redonda.
Nel valle,va metiéndose la borrina.
Llegamos al Mayáu Fuentes
De les cabañes,solo queden les piedres.
Seguimos camín.La xiénda pasa....
...per un fayéu.
Al fondo los Picos Cuetu,La Fragua y el Colláu Chera,per onde tenemos que pasar.
Llonxe,unos venaos güélennos y corren asustaos.
Otru carrascu,cargau de frutos.
Llegamos al Colláu Chera.El sol ya se esconde,detrás de les montañes.
Les frontales,salen de les mochiles.
Vemos les lluces de Villar de Casomera
Una semeya nocturna de grupo.
Esta noche nun tenemos lluna,solamente'l lluceru l'alba,nos allumbra.
Ya vemos les lluces de.....
....Casomera.Final de la perguapa ruta la de güei.
UN CONSEYU: Si sales a la montaña,lleva siempre una llinterna frontal.
Depués de la ruta,parada nel chigre'l pueblu.Cerveza,refrescos,llambiotaes y cancios de chigre.La guinda......
....a un perguapu dia de monte.
NOTA: Les semeyes d'esta ruta son d'Ana,Magín y Xuán.
Gracias una vez más por permitirnos recordar momentos que en el fragor de la ruta ni siquiera percibimos. Un abrazo Xuanín
ResponderEliminar