Colamos de Xixón a les 8,30h y depués de tomar un cafetín nes Arriondes,llegamos Amieva,onde queremos entamar la ruta de güei.Dexamos los coches a la entrada'l pueblu,al llau la Ilesia.
Ilesia de San Xuan
A Norte,tenemos la Xerra d'Amieva,l'obxetivu de güei.
Al Este,el Macizu Occidental de los Picos d'Europa
Macizu Occidental de los Pico d'Europa.
Cruzamos el pueblu.Tiramos pal Norte,pa la parte alta.Pasamos al llau d'un horru,qu'a falta maiz,......
.....emplégase de tendederu.Anca,enséñame esti....
....perguapu gatin,qu'asoléyase y dormita nel teyáu d'una casa.
Col cutu que fai,les pites tan un poco encoyíes y ......
....el perru,pega unos lladríos,avisando qu'unos estraños pasen al llau la casa.
Una de la varies fontes,que atopamos nel pueblu.
El cutu a estes hores,ye abondu.Vemos carámpanos colgando.
Nosotros seguimos por pista formigoná,buscando'l disvíu,que tira pal cordal.
Atras va quedándonos el pueblu d'Amieva.
Los cumales,van apareciéndo a los nuesos güeyos.
El camín,entama a ponese pindiu.
Abaxo vese Amieva.
Una paradina pa descansar y......
......consultar el mapa.
La utre,anda buscando comida
Llegamos al Colláu Timarru y.....
.....facemos unes semeyes de grupo.
Dexamos el Picu Priniellu pa llueu y entamamos la xubida pal Picu Los Redondos.
Xubimos seliquín.Con munchu cuidao.Buscamos los meyores pasos,onde la nieve atópase meyor pa caminar
Mirando pal Sur,vemos los cumales del Cantu Cabroneru y la Porra Valdepino.
Abaxo el pueblu d'Amieva,onde entamamos la ruta.
d'Unu,nunu,.....
.....vamos llegando al cumal.
Les vistes al Macizu Occidental,son mas que perguapes.El montañeru,queda ablucau al ver tanta guapura.
Marino,güei cumple años.¡¡¡Felicidaes!!!.El meyor regalu,estar en esta cume y acolumbrar tanta guapura.
El restu'l grupo va llegando.......
.......al cumal del Picu Los Redondos.
Desde'l el cumal,les vistes al Macizu Occidental,son mas que perguapes.
Vemos tamién la Mecedura de los Ríos.El puntu,onde se xunen (mecen),los ríos Pelabarda y Junjumia col Dobra.,que siguel su cursu,meciédose en Puente Dobra,col Ríu Sella.
Cantu Cabroneru y Porra Valdepino
Facemos unes semeyes de cume n'alcordanza.
Mas cerca,pa ver meyor los focicos
Semeya femenina de cume
Dicen que la cara ye'l espeyu l'alma,estes cares dicen.....
....que nestos momentos,son felices.
Agora toos somos felices.Marino,pa demostrar que ta contentu y celebrar el su cumpleaños,púsose a...
......facer flexiones. ¡¡Puxa Marino!!. ¡¡Tas fechu'n chaval!!
Depués de les semeyes de cume,colamos.
Echamos la ùltima güeyada,a la zona de la mecedura los ríos y.....
....baxamos.El siguiente picu que queremos facer,ye'l.....
......Picu Priniellu.Tenemos que tornar otra vez al Colláu Timarru.Baxamos.....
....seliquín.Con cuidao.Na zona Norte,la nieve está dura.
Afitamos bien los bastones y aseguramos el pasu,nun queremos resbalar y pegar un culazu.
Llegamos al colláu y entamamos la xubida.
La xubida ye corta (unos 120m de desnivel),pero.....
....pindia.Los bastones son imprescidibles,nun solamente pa repartir el pesu,aliviándo rodieyes y cadriles,....
.....tamién p'asegurar el pasu.
Los cabezaleros,ya tan nel cumal.
Arrimándose a l'arista,vemos parte del camín recorríu.Colláu Timarru,Picu Los Redondos,el Cornión,Cantu Cabroneru,Porra Valdepino.Los güeyos,vanse pal.....
....Cornión o Macizu Occidental.El pelleyu'l semeyeru,respígase al ver tanta guapura y da-y gracies a Dios,per dexalu esfrutar d'esta bendita montaña asturiana..
Parades cortes,respirar fondo y seguir caminando.La gloria'l.....
......montañeru,ta nel cumal.
Montaña y montañeru,sufrir y esfrutar.Too xunto,nun se puede separar.
¿Viéndo estes cares,daquién puede dicir que lo pasamos mal?.
La cume del Priniellu,tien dos llombes.Nuna,está la cruz y el buzón.Na otra.....
.....un vértice xeodésicu.
Tenemos que colar.Llonxe,acolumbramos el Picu Viscoba o Porra San Román,la siguiénte cume que queremos facer.
Picu Priniellu (1230m)
La última mirada desde la cume.Da pena tener que marchar.
Colamos del picu.Tenemos que.....
....baxar al Colláu del Pozu Redondu y xubir al Picu Viscoba o Porra San Román.
Antes,buscamos abellugu pa facer la xinta.
Atopamos un paré perfeutu.
La utre,otia desde l'altu,buscando alimentu.Tamién quier xintar.
Depués de la xinta,facemos otra semeya y.....
......colamos.
Pasamos pel Colláu'l Pozu Redondu y....
....entamamos la xubida a la Porra San Román.Atrás,vemos el Priniellu.
Picu Viscoba o Porra San Román (113m)
Facemos unes semeyes......
.....na cume.
Darréu colamos.Tornaremos otra vez al Colláu'l Pozu Redondu y llueu al de Amieva.
Atopámonos con una cueva,paez un abellugu p'animales.Ye tarde y nun baxamos a vela.
Llegamos al Colláu d'Amieva.
Desde'l collàu tenemos unes perguapes vistes al Cornión.Una "cosa" de.....
... formigón estropia l'entornu.Llámenlu mirador.
Sin comentarios.
La bella (cotolla) y la bestia ("mirador")
Llegamos al pueblu.
El Cornión desde Amieva
Ilesia de San Xuán.
Xerra d'Amieva al atapecer
Depués de la ruta,descansu,refrescu y picoteo nel chigre'l pueblu.
¡¡Feliz cumpleaños¡¡
Atapecer nel Cornión,desde Amieva.
NOTA:Les semeyes d'esta ruta,son d'Ana,Magín y Xuán
Xunín precioso reportaje amigo, enhorabuena.
ResponderEliminar